Për Salah ka pasur një interesim nga ana e Real Madridit

14:18 | 24 Janar 2021
Arbresh.info

Kohët e fundit Liverpool është fokusuar në rinovimin me senatorët e skuadrës. Vëmendjen më të madhe e kanë marrë Mohamed Salah dhe Virgil Van Dijk.

Kontratat e dy yjeve të “The Reds” mbarojnë në verën e vitit 2023 dhe drejtuesit kërkojnë rinovimin e tyre.

Sipas raportimit “Eurosport”, fokusin më të madh e ka qendërmbrojtësi holandez.

Liverpool kërkon ta blindojë lojtarin në “Anfield” me një kontratë afatgjatë, edhe pse kjo aktualja ka ende dhe dy vite të tjera.

Kujtojmë që Van Dijk vazhdon të jetë i dëmtuar në gju dhe me shumë mundësi ai do të rikthehet në fund të sezonit.

Nga ana tjetër sulmuesi egjiptian edhe mund të largohet nga kampionët e Premier League.

Për Salah ka pasur një interesim nga ana e Real Madrid dhe ndoshta kjo është arsyeja se pse drejtuesit janë stepur paksa nga rinovimi i kontratës së “Faraonit”./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm